Pomidor

Azərbaycanda pomidor həm istehsal, həm də ixrac baxımından ən önəmli tərəvəz məhsullarından biridir. Xüsusilə Abşeron, Lənkəran, Gəncə-Qazax, Şəki-Zaqatala və Aran bölgəsi pomidorçuluqla məşhurdur.

Ölkədə pomidor həm açıq sahələrdə, həm də çox geniş şəkildə istixanalarda yetişdirilir. Bunun nəticəsində Azərbaycanda pomidor ilboyu istehsal olunur.

Pomidorun həm erkən, həm də gec yetişən növləri mövcuddur. Keyfiyyətinə, aromatına və dadına görə həm təzə şəkildə istehlak edilir, həm də qida sənayesində — sous, tomat pastası, şirə və digər məhsullar üçün geniş istifadə olunur.

Azərbaycanda yetişdirilən tipik pomidor:

• parlaq qırmızı rəngdə olur,

• səthi hamar və incə qabıqlı,

• bərk quruluşlu,

• şirəli və içi tam qırmızıdır.

Ölkədə ən çox yayılan pomidor növləri:

• adi (iri) pomidor,

• salxım pomidor,

• kokteyl pomidor,

• albalı (kiraz) pomidor.